Cabugao, Ilocos Sur – Ti Farm-to-market road ti Sitio Tara-tara, Barangay Sisim ket alternatibo a pagdalanan nangruna iti panawen ti tudtudo a panagpigsa ti Karayan Cabugao iti baba.Naan-anayen ti pannakasementona babaen iti agdama nga Administrasion ti Gobierno Munisipal nga idauluan ni Mayor Edgardo “Ediboy" S. Cobangbang, Jr.
No aggapuka iti Sentro ti Barangay Sisim, matuparmo ti nasemento a kalsada iti bakras ti turod nga agpadaya-nga-agpaamianan a direksion agingga a tumpuarka iti sungaban ti Barangay Catucdaan.
Gapu itoy, mapadaras ti panagibiahe ti produkto dagiti mannalon ken panagudongda nga aggatang ti kasapulanda idiay ili dagiti tao nga aggapu iti surong kangrunaan iti Barangay Catucdaan ken Sitio Caset-Barangay Maradodon iti pannagnada iti Sitio Tara-tara-Brgy. Sisim. Daytoy a proyekto ket napunduan babaen ti Municipal Share ti R.A. 717. # (Web In-Action)
No comments:
Post a Comment