Thursday, February 23, 2012

“LAILO TI ILOCANO”, BARO A MAGATANG A CD ALBUM!

Cabugao, Ilocos Sur  – Nailunsad ti pannakaiparuar ti baro a magatang a   CD Album a  napauluan ti  “Lailo ti Ilocano” a  nakaipalaonan dagiti  kanta ni Vice Governor DV Savellano  idi Pebrero 22, 2012 iti pasdek ti  Balay ti Taripato, Barangay Bonifacio, Cabugao, Ilocos Sur a no sadino a ditoy ket inatendaran dagiti opisiales ti Gobierno Lokal, bisita a naggapu iti nadumaduma a lugar, umili ti Cabugao ken dagiti Lolo ken Lola a residente iti Balay Taripato.
Iti panagsarita ni Vice DV, sinaritana no kasano a naipasdek ti balay-pagtaraknan wenno  Balay Taripato. Iti panangserrekna ti lubong ti Musika/panagkanta,  kayatna a mapreserba ti kaipapanan   ken maapresiar dagiti makangngeg ti maiduma a bersion dagitoy a kanta ti  llokano . Innayon pay ti Bise Gobernador  nga aniaman a mapastrek  iti inaramidna a koleksion ti kanta ket maipaay   kadagiti agindeg iti balay-pagtaraknan.
Dinayaw  ni Gov. Luis “Chavit” Singson ni Vice DV iti mensahena nga imbasa ni Board Member Jeremias “Jerry” C. Singson. Kangrunaan a dinakamat ti Gobernador  ti pannakaipateg ti kasasaad/pakaseknan  dagiti nataengan. Inapresiarna pay    ti panangidonar ni Vice DV ti aniaman a magunggonana kadaytoy a proyektona  a mainayon a pagsayaatan  iti Balay Taripato.
Paset ti CD Album ni Vice DV dagiti nalatak a kanta ti Ilokano iti  bersion  ti “Manang Biday” ken “No Duaduaem  man”.  Nakipaset iti pannakaurnos dagiti kanta  ti nalatak a Composer,  Vehnee Saturno.
Timmabuno da Board Member Orlino Tesoro, Mayor Edgardo S. Cobangbang, Jr., ken  Mayor Thelma Florendo. # (Web In-Action)

 
 

No comments:

Post a Comment