Cabugao, Ilocos Sur – Maipampamaysa ita nga istudiaren ni Ms. Connie L. Quinola, Local Government Operations Officer 5 ti DILG-Cabugao dagiti napapateg a reports ti 33 a barangays ti ili a no sadino a ditoy ket kangrunaan nga akmen dagiti Barangay Secretaries ti mangyurnos ken mangisimpa ti rekordsda kas paganninawan kadagiti mapaspasamak iti ikub ti pannakaipataray ti Gobierno ti Barangay.Partikular a nataming ket dagiti porma ti plano a binukel ti Sangguniang Barangay, natratar ti pannakaitudo ti disso dagiti madidigra a parte ti barangay iti tinawen tapno maikkan iti mayataday a plano ti aksion nga igannuat ti amin nga agrebbeng no rumsua ti kalamidad.
Inulit ni LGOO Quinola nga agsina a bagi ti Sangguniang Barangay ken ti Barangay Development Council nupay agkammayet ti akemenda iti pannakaipakat dagiti pagalagadan ken plano iti pannakaiyusuat ti pagdur-asan ti barangay. Innayon ti LGO Officer nga agsina pay ti numero ngem agpada ti serye (tawen) ti resolusion nga aramiden dagitoy a sanga ti Barangay.
Nairapin pay a naipaganetget kadagiti Sekretaryo ti panangited ti tunggal Barangay dagiti datos a kasapulan para iti benneg ti Barangay-da iti Website tapno maipaay ti naan-anay nga impormasion para kadagiti mangilukat/mangammo ti kasasaad ti Barangay iti agdama.
Naikkan ti “timetable” dagiti maisubmiter a report ken naikumit nga aramiden dagitoy nga opisiales ti barangay ket ti nairekord a minutos ti miting ket pagbasaran ti panang-assess-da ti nagdur-asanna ket maikkan ti pannakapigsa ti pakaarusan/pagkapuyan a paset ti nalpas nga aktibidadda, segun ken ni Mr. Ronie Bringas, Liga President. # (Web In-Action)
No comments:
Post a Comment