Cabugao, Ilocos Sur – Nakipartisipar ti Gobierno Munisipal ti ili ti Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr. iti naangay a Kannawidan Ylocos Festival 2012 nga insayangkat ti Gobierno Probinsial ti Ilocos Sur iti panangidaulo da Gov. Luis “Chavit” Singson ken Vice Gov. DV Savellano a nangrugi idi Enero 29, 2012 agingga iti Pebrero 5, 2012 a naangay iti asideg ti Kapitolio Probinsial, Vigan City, Ilocos Sur.
Kabayatan dayta a pagteng, kangrunaan a naidispley dagiti kangrunaan a produkto iti tunggal Munisipalidad ket nakipaset ti DA-LGU Cabugao iti Pinaka-entries kadagiti nateng ken prutas babaen ti panangtarawidwid ni Mrs. Ester P. Aguimbag, Municipal Technologist, ken kakaduana iti DA-LGU Cabugao nga idauluan ni Municipal Agriculturist Zenaida S. Andrada. Naidispley met ti Mikilunggay ken handicraft products iti Municipal Booth ti LGU Cabugao.
Iti sabali a bangir, nakipaset met dagiti Zones ti DepEd Cabugao District kadagiti mapagsasalipan a sala, kanta, drama ken mainaig a pakontes iti pannakapreserba/pannakaipabuya ti Kultura ni Ilokano. Dagiti nagun-od ti DepEd Cabugao District a pammadayaw:
Dance/Drama | 2nd Place, Zone 4 |
Choir | 3rd Runner Up, Zone |
Contemporary Dance | 3rd Runner Up, Zone 1 |
Traditional Folk Dance | Consolation Prize, Zone 1 |
Street Dancing | Consolation Prize, Zone 1 |
Ethnic Dance | Consolation Prize, Brgy. Nagsincaoan |
Naipaset iti Festival ti pannakapadayaw dagiti nangabak iti Siglat Awards 2011 idi Pebrero 2, 2012 ket daytoy ti nangpamaris ti panagballigi ti Munisipalidad ti Cabugao pannakagun-od dagiti barangay entries-na iti nagduduma a puesto iti nadumaduma a kategoria. Maikadua a Puesto ti nagun-od ti LGU-Cabugao iti over-all standing idinto ta Umuna a Puesto ti Candon City ken maikatlo ti ili ti Sto. Domingo.
Panggep pay ti Festival a mangparegta ti nadumaduma a sektor iti kagimongan ni Ilokano ditoy Ilocos Sur nga agpartuat, mangpadur-as ti industria dagiti indigeneous materials ken maikkan ti panawen ti tunggal Munisipalidad a mangiparangarang kadagiti nakaugalianda a produkto/kannawidan a maisalumina ti kaaduan. # (Web In-Action)
PINAKA-ENTRIES TI CABUGAO ITI AGRI-AQUA & LIVESTOCK CONTEST, KANNAWIDAN YLOCOS FESTIVAL 2012
Pinaka-Watermelon | First Prize, Estrelita Pacleb, Brgy. Turod Patac |
Pinaka-Papaya | 2nd Prize, Julita Baclig, Brgy. Pug-os |
Pinaka-Garlic | 3rd Prize, Romnick Castillo, Brgy. Salapasap |
Pinaka-Onion | Salustiano Baltazar, Brgy. Pug-os |
Pinaka-Sweet Pepper | 3rd Prize, Virgie Seatriz |
Pinaka-Yellow Corn | Consolation, Nathaniel Galamgam, Brgy. Sagayaden |
Pinaka-Mango | Consolation, Eugene Paat, Brgy. Baclig |
Pinaka-Eggplant | Jun Galamgam, Brgy. Sagayaden |
Pinaka-Finger Pepper | Consolation, Oscar Naval, Brgy. Pug-os |
No comments:
Post a Comment