Thursday, February 2, 2012

NAANGAY TI MAIKADUA A PANAGMITING TI ABC ITA A TAWEN

Cabugao, Ilocos Sur – Naangay ti maikadua a panagmiting   ti Association of Barangay Captains and Councils (ABC) nga idauluan ni Rizal Barangay Captain Teddy U. Soller  ti ili a Cabugao, Ilocos Sur idi Pebrero 1, 2012 iti SB-ABC Hall, Cabugao, Ilocos Sur.

Dagiti kangrunaan a natratar  ken napagnanamingan:
  • Maituloy ti napagtutulagan a  by-Cluster ti panagpakandidata dagiti barangays  para iti Piesta ti ili iti umay a bulan ti Abril 2012. Maallukoy dagiti kameng ti Rural Improvement Club ti kada barangay a makitinnulong iti nasao nga aktibidad. 
  • Maaramid ti Public Hearing nga atendaran ti Kakapitanes inton  Pebrero 7, 2012  para iti pannakaaramid  ti Abril 24 a “Sakada Day”.
  • Impaganetget ti ABC President ti pannakitinnulong dagiti Kakapitanes ti pannakadalus ti agsumbangir a paset ti Kalsada Nasional manipud Brgy. Sagayaden agingga iti Barangay Pug-os kasta met iti Kalsada Probinsial nga agturong iti Barangay Salomague. Paset daytoy ti pammilin ni Mayor Edgardo “Ediboy” S. Cobangbang, Jr.  kas  panagsagana ti panagsangpet dagiti Balikbayans ken umay makipiesta iti ili.
  • Nailawlawag ti maipapan iti Philhealth dagiti umili  nga as-asikasuen  ti Opisina ti MSWDO. Bininsabinsa ni Mrs. Lydia S. Gazmen, MSWD Officer dagiti tallo a paggapuan ti  mangbayad ti premium ken  nagbaliwan ti panangala  ti Philhealth Card ken ti pannakausar daytoy.
Naan-anay a napagpapatangan dagiti dadduma pay  a pakaseknan/mainayon a pakaammo kadagiti  Kapitan ti Barangay a nagatendar. # (Web In-Action)


No comments:

Post a Comment