Cabugao, Ilocos Sur - Agtultuloy ti naregget a serbisio nga ipaay dagiti Medical Personnel ti Rural Health Unit (RHU)-Municipal Health Office-LGU Cabugao manipud iti aldaw ti Lunes agingga iti aldaw ti Sabado babaen ti panangiwardas ni Dr. Bernardino M. De Gracia, Medical Officer III, OIC-MHO, LGU-Cabugao.
Kaaduan ti agpa-Check Up, agpa-Blood Pressure (BP), Pre-Natal, Dental, Pabakuna ti maladaga ken nataengan para iti Anti-Tubercolosis. Naanus dagiti mangimatmaton ti panagbakuna nangruna dagiti nataengan tapno maikkanda iti naan-anay nga importansia kas maysa a sektor ti kagimongan.
Kangrunaan ditoy ti madagdagus a pannakaited ti maiyannatup nga agas para kadagiti an-annayen dagiti nagpaagas iti uneg ti kuarto ti MHO. Ti napintas a serbisio a maipapaay para kadagiti umili ket resulta ti nasamay a pannakaipakat dagiti pagalagadan nga intuyang ti Gobierno Munisipal iti Benneg ti Salun-at a kakibin ti progreso a masagsagrap ti kaaduan nga umili iti agdama. # (Web In-Action)
No comments:
Post a Comment