Tuesday, September 10, 2013

EKSAMEN TI MANNALON ITI SCHOOL ON THE AIR, NAARAMID

Cabugao, Ilocos Sur – Simmarungkar dagiti pannakabagi ti Office of the Provincial Agriculture (OPAG)-Ilocos Sur itay nabiit nga imbagian ni Engr. Jojo Acance tapno maiyusuat ti panageksamen dagiti mannalon iti nadumaduma a Farmer’s Association ti Cabugao, Ilocos Sur nga agdengdengngeg ken makiparpartisipar ti programa ti OPAG-Ilocos Sur iti radio pakaseknan ti pannakaiyadal dagiti kabaruanan a wagas ti panagtalon, farm mechanization program ken post harvest facilities program ti DA.

Daytoy a rusuat ket maiyataday iti panangselebrar ti sangkailian a Pilipino ti Tawen 2013 a kas “Year of the Rice”  a pangkulminar ti naballigi a rice self-sufficiency program ti Gobierno Nasional nga agpababa iti Gobierno Lokal (LGU’s).
Naangay ti panageksamenda iti Municipal Conference Building idi Setiembre 3, 2013.

Manamnama a makagun-od dagiti mannalon ti Cabugao iti agkakapateg a premio a maited kadagiti nagpartisipar ken nangato ti gradona iti eksamen. Maysa ti ili a Cabugao, Ilocos Sur  a kaaduan ti nakipaset  kadaytoy a gannuat ti DA-OPAG a mangipasimudaag ti agtultuloy a panangsarabo dagiti mannalon kadagiti napalabas, agdama  ken umay a programa ti DA ken ti LGU-Cabugao. # (Web In-Action) 

No comments:

Post a Comment