Cabugao, Ilocos Sur – Nairingpasen ti School Pavement iti sango ti School Stage ti Salomague Elementary School nga idauluan ni Mr. Ronel M. Ubaldo, Head Teacher III.
Iti pannakiuman ti Web In-Action itay nabiit, impeksa ni Mr. Ubaldo agraman dagiti kakaduana a mangisursuro kadaytoy a pagadalan iti panagyamanda unay ken ni Mayor Edgardo “Ediboy” S. Cobangbang, Jr. a nangilungalonganda iti pannakaadda iti pavement a mangparis ti School Stage-da. Innayon pay ni Mr. Ubaldo a maragsakan met dagiti nagannak ken lumugar ditoy a barangay nga idauluan ni Brgy. Captain Eliseo R. Serrano ta napintas ti pagyanan dagiti ubbing ken dagiti lumugar no maangay ti miting ken panagtitiponda kadaytoy a pasilidad ti pageskuelaan.
Ti Salomague E/S ket maysa kadagiti kaaduan ti proyekto a pasilidad a mamaglupos ti pageskuelaanda kadagiti amin a pageskuelaan ti Cabugao DepED District iti agdama. # (Web In-Action)
No comments:
Post a Comment