Cabugao, Ilocos Sur – Tapno maipamaysa ti pannakaipaay ti naan-anay a serbisio ti kasapulan a danum dagiti umili a masakupan ti Cabugao Waterworks, inaldaw nga agrekrekuridada a mangituloy kadagiti tartarimaanenda a linia ti danum ken pambaranda a monitoren ti kasasaad ti amin a linia ken kasta met dagiti agus-usar iti danum ti waterworks.
Itay napalabas nga aldaw, Setiembre 5, 2013, tinarimaan dagiti grupo ti Waterworks iti linia a mapan idiay Brgy. Margaay ken kankanayon met a tingitingen dagiti Pipefitters dagiti nagsasangaan ti linia tapno saan nga agsawaw ti panagannayas ti suplay a danum.
Ti Waterworks Department ket naregget nga idauluan ni Engr. Nestor B. Somera, Waterworks Superintendent ti LGU-Cabugao. # (Web In-Action)
No comments:
Post a Comment