Wednesday, September 18, 2013

RELIEF GOODS, IPAAY TI OPISINA NI GOV. RYAN

Cabugao, Ilocos Sur – Tapno maikkan met iti atension dagiti sumagmamano a naapektaran a pampamilia iti napalabas a Bagyo Maring ditoy a Munisipalidad, immawat ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ti 100 Packs ti Relief Goods a naglaon iti Bagas, Sardinas, Noodles, Coffee, Bottled Water ken Asukar nga umdas a mangsaranay iti maseknan a biktima ti kalamidad  kabayatan iti panagnadnad  ti didigra.


Nupay kasta, naigannuat met latta iti  sakbayna  ti pannakaited ti Relief Goods kalpasan dagiti naglabas a dadduma a  kalamidad babaen iti MSWDO ken ti Opisina ti Mayor ti ili a Cabugao tapno maalay-ayan ti panagsagaba dagiti maseknan nangruna kadagiti naapektaran ti layus iti nababa a disso a luglugar iti Munisipalidad.


Babaen ti aksion ti Opisina ti Mayor, MDRRMC ken ti MSWDO  a kangrunaan a sanga ti LGU a tumarabay ken mangsalbar kadagiti nadidigraan  ket maibunong iti masanguanan nga aldaw dagitoy a dimteng a saranay manipud iti Gobierno Probinsial ti Ilocos Sur. # (Web In-Action)

No comments:

Post a Comment