Friday, September 13, 2013

TI LEARNING FIELD TI FFS-REPPA-AC

Cabugao, Ilocos Sur – Iti pannakiuman ti Web In-Action idi Setiembre 12, 2013, imbatad ni Kagawad  Terio  Castillo ti Barangay Reppa-ac nga ad-adda a maipakita ti pagdurdur-asan ti proyekto babaen iti pannakaasikaso ti Learning Field nga aglawa iti 5,000 metro-kudrado.

Iti naangay nga ocular visit, napintas ti rubuat ti lima (5) a Trial areas  a masarakan iti nagbedngan ti Brgy. Pug-os ken Barangay Reppa-ac, Cabugao, Ilocos Sur a tamtamingen dagiti Farmer-Participants.


Manamnama nga agballigi ti resulta ti panagadal malaksid kadagiti teoria a naipasagepsep kadagiti Farmer-Participants.

Innayon ni Mr. Obas Bill Y. Baclig, AT/FFS Lecturer a nasayud ti pannakaited dagiti adal kadagiti mannalon maigapu iti napintas a bilang ti nagatendar ken natunosda a mangtungpal kadagiti maipaannurot kadakuada nga aramidenda iti kabayatan ti panagadalda.

Dagitoy nga inisiatiba ket paset ti panangyagpang ti kaammuan ken kapabilidad dagiti mannalon babaen iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr.  iti benneg ti Agrikultura a mayoridad nga umili ti Cabugao, Ilocos Sur. # (Web In-Action)

No comments:

Post a Comment