Cabugao, Ilocos Sur - Kalpasan ti Ribbon-Cutting iti Brgy. Aragan, sinaksian met da Gov. Ryan ken Mayor Ediboy agraman dagiti Opisiales ti LGU-Cabugao iti pannakaited ti School Supplies kadagiti agad-adal iti Cabugao South Central School kabayatan a maiwarwaras dagiti pannakabagi ti ubbing iti 26 a pageskuelaan ti Cabugao DepED District.
Iti mensahe nga impaay ni Mayor Ediboy, nagyaman iti Gobierno Probinsial ken ni Governor Ryan kadaytoy a dakkel a tulong iti benneg ti sektor Edukasion ditoy Cabugao.
 |
| CLICK HERE TO VIEW MORE PHOTOS |
Impeksa pay ti Alkalde Munisipal nga agpaay ni Governor Ryan nga inspirasion dagiti ubbing nga agipasnek nga agadal a mangtubay kadakuada nga agbalinto met a maysa kadagiti lider a mannikitinnulong iti masanguanan.
Iti panagsarita ni Governor Ryan, bininsana ti pateg ti pagrebbenganna a tumulong nangruna iti daytoy a sektor tapno maikkan ti importansia ti Edukasion.
Innayon ti Gobernador a dagitoy a maitulong kadagiti ubbing ket pamuonan iti panagbalin a napintas ti masakbayanda nga agganetget iti panagadalda.
 |
| CLICK HERE TO VIEW MORE PHOTOS |
Impeksa met ni Mrs. Estrellita M. Siruno, Principal II, OIC District Supervisor, Cabugao DepED District iti naan-anay a panagyamanda kadagitoy a tulong iti 26 a pageskuelaan ket indauluanna dagiti mangisursuro ken ub-ubbing a nangyebkas iti nabara a panagyamanda kadagiti Opisiales nga idauluan da Governor Ryan ken Mayor Ediboy ta ditoy Cabugao South Central ti pakailunsadan ti pannakaiwaras ti sagut nga school supplies.
Indauluan pay da Governor Ryan ken Mayor Ediboy iti pannakiyawat dagiti saggaysa a bag nga adda nagyanna a notebook kadagiti ubbing.
Kalpasanna, naaramid ti piktorial iti grupo iti sango ti School Stage ti Open Auditorium ti pagadalan. # (Web In-Action)
No comments:
Post a Comment