Cabugao, Ilocos Sur - Napnuan regta dagiti pannakabagi ti dua nga asosasion: Arnap Farmer’s Association ken Nagsantaan Farmer’s Association a nakikaysa ken ni Mayor Edgardo “Ediboy” S. Cobangbang, Jr. iti mismo nga Opisinana a Local Chief Executive ti LGU-Cabugao, Ilocos Sur tapno imdenganda ti pammigbig ti Ama ti Ili iti natallugod a panangannurotda kadagiti obligasion ken pagrebbengan a kakibkibin daytoy a programa ti Munisipio a panangipaay ti pammadang kadagiti asosasion ti mannalon iti ili a Cabugao.
Daytoy a programa ket pakabuklan ti “Plant Now Pay Later” a maipabulod kadakuada a pagpuonan kabayatan nga iyur-urayda ti panagapitda ket isublidanto ti kantidad iti Munisipio tapno dakkel ti tiansada manen a makabulod iti sabali a gatad.
Daytoy a programa ket pakabuklan ti “Plant Now Pay Later” a maipabulod kadakuada a pagpuonan kabayatan nga iyur-urayda ti panagapitda ket isublidanto ti kantidad iti Munisipio tapno dakkel ti tiansada manen a makabulod iti sabali a gatad.
Imbagian ni Arnap FA President Arthoro Solis ken Nagsantaan FA President Kagawad Roberto Sablay dagiti immawat ti sag-P35,000 a Tseke manipud ken ni Mayor Ediboy iti Setiembre 6, 2013.
Innayon da FA President Solis ken ni FA President Sablay a dakkel a pakapalag-anan manen ti kasasaadda a sangkamiembruan daytoy a naawatda ket ipategda met dagiti sinaguday ti katulagan tapno saanda a makaar-aramid ti paglabsingan ket agtultuloy latta ti talek ti Gobierno Munisipal kadakuada. # (Web In-Action)
No comments:
Post a Comment