Cabugao, Ilocos Sur – Iti pannakiuman ti Web In-Action ken ni Mr. Edgar S. Balangatan, AT iti Setiembre 23, 2013, impakaammona a kankanayon a nakasagana ken agaksion ti Clean and Green Program nga imatonanna.
Kalpasan ti panagdalusda kadagiti public facilities and places, dalusanda ti agsumbangir nga abaga ti Kalsada Nasional manipud iti Brgy. Sagayaden Norte agingga iti Barangay Pug-os ditoy nga ili.
Innayon ni Mr. Balangatan nga iramramanda met a monitoren dagiti Provincial Roads nangruna ti agpa-Port Salomague. Kanaig daytoy, naileppasda metten ti nagdalus manipud iti aglawlaw ti Osmena Bridge agingga idiay daya ti Kambal Lumber. Kabayatanna, isamsamira latta met ni Mr. Balangatan a monitoren ti pagdurdur-asan ti Environmental Management Program ti Munisipio iti 33 a barangay ken 26 a pageskuelaan ti DepED Cabugao.
Insupusop pay ni MENRO Balangatan nga iramramanna latta a monitoren ken mangala ti update ti pannakaisapribado ti Solid Waste Management Program ti Munisipio ken ti mapaspasamak idiay Sanitary Land Fill ken Ecology Center. # (Web In-Action)
No comments:
Post a Comment