Cabugao, Ilocos Sur – Naangay ti Monthly Regular Meeting ti Cabugao Faderated Senior Citizen, Cabugao, Ilocos Sur iti Senior Citizen’s Center, Brgy. Rizal, Cabugao, Ilocos Sur idi Setiembre 3, 2013.
Kangrunaan a trinatarda ti pannakaisaknap ti Philhealth Card Holder ti amin a kameng ti Senior Citizen kadagiti barangay tapno mabenepisiaranda iti nasaknap a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr.
Nagsarita ken nailawlawag dagiti programa/annuroten ti Philhealth babaen kadagiti naggapu iti Provincial Health Office ti Philhealth a tinarabay ni Mrs. Leonora G. Reintar, Social Welfare Assistant ti MSWDO-LGU Cabugao.
Maysa pay a napagnanaminganda ket iti partisipasionda ken dagiti aktibidades nga iwayatda iti panangselebrarda ti Elderly Week inton Oktubre 2013.
Tinamingda pay dagiti pinansial a bambanag a pakaseknan iti operasion ti Saranay ken internal a pakaseknan ti Pederasion-da. Naballigi ti panagtratarda kadagitoy a pakaseknanda. # (Web In-Action)
No comments:
Post a Comment