Cabugao, Ilocos Sur – Naaramid ti Ist Veterinary Medical Mission ti Provincial Veterinary Office, Vigan City, Ilocos Sur iti Umuna a Distrito ti Ilocos Sur ket umuna a maaramid ditoy ili ti Cabugao iti Setiembre 10, 2013. Immuna a nag-courtesy call ti grupo ni Provincial Veterinarian Joey Warren Bragado ken dagiti Staff na iti Opisina ni Mayor Edgardo “Ediboy” S. Cobangbang, Jr. tapno mapagsasaritaanda ti panggep daytoy a Veterinary Medical Mission ken kanaigna a bambanag a mangpasayaat pay ti serbisio para iti livestock sector iti Munisipalidad.
Nagkadua a grupo dagiti pannakabagi ti Provincial Veterinary Office ken DA-LGU Cabugao iti nagturonganda a barangay: Brgy. Sabang ken Brgy. Sagayaden a ditoy a mailunsad ti serbisio nga ipaay daytoy nga Opisina ti Kapitolio Probinsial kas iti: Deworming, Castration ken Animal Disease Diagnosis and Treatment. Nakikaysa met ni Dr. Melvin G. Castro, Municipal Livestock Inspector kadagiti napan namalaybalay kadagiti nadakamat a lugar.
Dagitoy nga aksion ken inisiatiba ket resulta ti napintas a pannakikammayet ti LGU-Cabugao kadagiti amin a makatulong nga Ahensia ken Opisina a para kadagiti amin a sektor ti umili ditoy Cabugao, Ilocos Sur. # (Web In-Action)
No comments:
Post a Comment