Cabugao, Ilocos Sur – Naballigi ti resulta ti naigannuat a Mushroom Culture and Production babaen ti nagkakammayet a grupo: 4-H Club- Brgy. Baclig, RIC-Brgy. Baclig nga idauluan ni Mrs. Susan M. Cabasug, Presidente, ken Industrial Arts Department, Cabugao North Central School babaen iti panangtarawidwid ni Mr. Nemesio Soller, Industrial Arts Teacher.
Masarakan ti Mushroom House a nagbibinnuligan dagiti nadakamat a grupo a pagpatanoran ti uong sadiay Industrial Arts Room, Cabugao North Central School, Brgy. Rizal, Cabugao, Ilocos Sur.
Iti pannakiuman ti Web In-Action itay nabiit, impakaammo ni Mrs. Susan Cabasug a rinugiandan ti nagapit ken nagipadigo kadagiti interesado nga indibidual ken grupo a mangraman kadaytoy a managan ti “Oyster Mushroom” ket maaramid ti “gaya-gaya system” tapno tuladen dagiti mannalon a pamataudanda ti nayon a matgedanda.
Ti Mushroom Culture and Production ket kalikaguman ti DA-RFU 1 (HVCDP) a maisaknap iti lokalidad babaen iti panangadaptar dagiti asosasion a mayat a maaddaan ti pagkakitaan kadaytoy a benneg ti Agrikultura. # (Web In-Action)
No comments:
Post a Comment