NALUKTAN ti 8TH Kannawidan Ylocos Festival 2015 babaen iti maysa a misa ken prusision iti alas tres ti malem idi Enero 29, 2015.
Nagpaut ti parambak iti dua a lawas ket nagpatingga idi Pebrero 8, 2015.
Dagiti sumaganad ti eskediul iti aktibidad daytoy a kangrunaan a piesta ti probinsia:
Kalpasan ti misa a naangay iti Katedral ni San Pablo, simmaruno ti prosesion dagiti rebulto dagiti santo manipud kadagiti nadumaduma nga ili iti probinsia nga indauluan mismo da Gov. Ryan Luis V. Singson, Vice Governor Deogracias Victor B. Savellano, ken dagiti kameng ti Sangguniang Panlalawigan a pakaibilangan da BM Jeremias Singson, BM Edgar Yabes, ken dadduma pay a bobokal, kasta met dagiti kandidata para iti Saniata ti Ilocos Sur.
Naangay kalpasanna ti boodle fight wenno “Kinnammet” iti quadrangle ti Provincial Capitol no sadino a nangrabii babaen iti ima dagiti agtuturay ken dagiti sangsangaili .
Iti umalas siete ti rabii, nagbuya dagiti tattao iti dancing fountain ken fireworks display iti Plaza Salcedo.
Iti sumuno nga aldaw, Enero 31, naluktan ti parambak babaen ti ritual, a kinagiddan ti pannakalukat iti pagkarnabalan, Tawid ken Partuat, ken Bonsai Exhibit iti Quirino Stadium.
Naangay pay iti daytoy a bigat ti rondalla, choir, dance, traditional music ensemble contest iti met laeng stadium.
Iti malem, grand opening ti National Museum a masarakan iti abagatan ti provincial capitol, ken pre-pageant ti Saniata ti Ilocos Sur iti West Loch Park Hotel, Sto. Domingo, Ilocos Sur.
Iti dayta a rabii, naangay ti Fashion Show ken Kapuso Night iti Quirino Stadium.
Idi Enero 30, naangay ti traditional folk dance ken marching band competitions, malaksid laeng ti pannakapili ti most innovative product, best dressed booth, crafts demo, most improved OTOP iti Quirino Stadium.
Iti 6:00 pm, naited ti Gawad Tatang Singson Awards, Rabii dagiti Ubbing a Saniata iti met laeng Quirino Stadium.
Dagiti dadduma pay a napasamak nga aktibidad:
Pebrero 1: 7 AM – Kannawidan Pataray ken Lumba Dagiti Nataengan Fun Run – Provincial Capitol
6 PM – Kadaanan a Pagan-anay – National Museum
7 PM – Pammadayaw ken Panangbigbig kadagiti Annak ti Ilocos Sur (Fr. J. Burgos Awards) – Quirino Stadium
8 PM – Banda Rito, Banda Roon – Quirino Stadium
Pebrero 2: 8 AM – Sinniriban, Putar ti Daniw – ISCC Function Room; Culture and Tradition Showcase, Maris ti Kailokuan Art Exhibit – Quirino Stadium; 6 PM – Saniata ti Ilocos Sur – Quirino Stadium
Pebrero 3: 8 AM – OPAG Pinaka and Livestock Pinaka Contest; 2 PM – Siglat Iskwela Awards; 6 PM – Dance Craze featuring G-Force
Pebrero 4: 8 AM – Chef Wars and Eating Longganisa Contest; 2 PM – Pammadayaw ken Panangbigbig kadagiti Nasisiglat a Brgy ken LGU Siglat Awards; 6PM – Bingo, Zarsuela Ilocana;
Pebrero 5: 8 AM – Salisal ti Disenyo ken Panagpinta Painting Contest; 6 PM – Liwliwa Dagiti Artista
Pebrero 6: 6 AM – Rodeo Parade – Provincial Capitol; 9 AM – Game Fowl Expo Day – ISCC Covered Court; 9 AM – Kannawidan Paay-ayam Traditional Games – Quirino Stadium; 6 PM – Salisal ti Banda featuring Itchyworms – Quirino Stadium
Pebrero 7: 8 AM – Parada Dagiti Nagkauna a Luglugan ken Bisikleta Vintage Car and Bicycle Parade – Quirino Stadium; Motorshow and Drag Racing – Govantes Dike; 7 PM – Comedy Night, Ginebra San Miguel Night -Quirino Stadium
Pebrero 8: 9 AM – Motorshow and Drag Racing Awarding – Govantes Dike; 6 PM – Kannawidan Media Awards Night
Pebrero 13:9AM – Pallot Day – Cabugao Octagon. # Adapted, TAWIDNEWS
No comments:
Post a Comment