PAY-OUT TI 4 P’s (CASH CARD HOLDER) ITI DUA A BULAN, MAISAYSAYANGKAT

Cabugao, Ilocos Sur –Maang-angay ti Pay-out (adda cash card-na) kadagiti kameng ti Pantawid Pamilyang Pilipino Program (4 P’s) a naggapu kadagiti 33 a barangay  iti ili a Cabugao, Ilocos Sur ita a Pebrero 26, 2015 iti Opisina ti Land Bank of the Philippines (LBP)  Branch iti  ili ti San Juan ken Sinait, Ilocos Sur.

Imbatad ni Mrs. Aida S. Cueto, Focal Person ti 4 P’s Municipal Operations Office (MOO)-LGU Cabugao nga aganay a 1,500 ti bilang dagiti P’4 s Beneficiaries a mapan mangawat iti dua a bulan a kaibatogan ti Cash Grant-da (Enero-Pebrero 2015).

Innayon ni Miss Cueto a nalpasen ti Family Development Session-da kadagiti 4 P’s Members iti 33 a barangay ti ili ken revalidation ti 4 P’s Additional Members iti bulan ti Pebrero 2015  ket ar-aramidenda ti reportda a maisubmiter iti 4 P’s Provincial Operation’s Office (PPO) kalpasanna.

Dagitoy nga aksion ken inisiatiba ket maigapu iti nasaknap a pannakaipakat ti pro-poor program ken iti agtultuloy a pannakikammayet ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti maseknan/tumulong  nga Ahensia a kas iti DSWD a katulonganda a mangipatungpal kadaytoy a programa para kadagiti marigrigat a kaamaan ti kagimongan. # (Web In-Action)