Cabugao, Ilocos Sur – Naipatakder dagiti baro a pagsenialan a mangibagnos kadagiti paset a kangrunaan a pagturturongan dagiti Marketgoers ken para iti publiko a maisar-ong iti ili ti Cabugao kas iti sumaganad: manipud iti sumrekan ti Tiendaan ti ili agingga iti pagparkingan dagiti motorsiklo, traysikel ken behikulo iti uneg ti Tiendaan.
Segun kada Mr. Edgar S. Balangatan ken ni Mr. Donnell Peralta, agpada a mangiwarwardas kadagiti trabaho a ti mainayon a pannakaipatakder dagitoy a pagsenialan ket naipasdek babaen iti Direktiba ni Mayor Edgardo “Ediboy” S. Cobangbang, Jr. tapno maipaay iti umisu a direksion a suroten dagiti tao/bisita a maisar-ong/agdaldaliasat ditoy ili ti Cabugao nangruna ita ta adda dadakkel nga aktibidades a maaramid kas iti pannnakaselebrar ti Semana Santa iti sumaruno a bulan ken iti umadani a panagpiesta ti ili iti bulan ti Abril 2015.
Malaksid kadagitoy baro a pagsenialan, naipasdek pay sakbayna dagiti “signages” nga impaay ti LGU Cabugao kadagiti igid ti Kalsada Nasional iti las-ud ti ili ken kadagiti pagpikoran ti Poblasion. Naikkan pay ti signages dagiti sumrekan kadagiti Coastal B arangay ti ili a pagturturongan dagiti Bakasionista, B isita ken Balikbayan ita a Summer Season. # (Web In-Action)
No comments:
Post a Comment