Cabugao, Ilocos Sur – Nagun-od ni Miss Myrene Bruno Somejo, 13, agnaed iti Barangay Daclapan, Cabugao, Ilocos Sur ti pammadayaw a Regional Gawad Kalasag 2014 Winner under the Individual/Living Heroic Act Category babaen iti Office of the Civil Defense, Regional Office 1, Regional Disaster Risk Reduction and Management Council 1, agpada nga adda iti salinong ti Department of National Defense (DND).
Naited ti Pammadayaw iti naangay a Regional Gawad Kalasag 2013 and Bannuar ti Amianan 2014 Joint Awarding Ceremony idiay Hotel Ariana, Paringao, Bauang La, Union idi Pebrero 6, 2015.
Inawat ni Myrene Bruno Somejo ti Plake ti Pammadayaw manipud ken ni Mayor Edgardo “Ediboy” S. Cobangbang, Jr. a binayabay ni MLG Officer Constancia L. Quinola agraman dagiti kameng ti pamilia ti napadayawan kalpasan iti Flag Ceremony ti Pamilia LGU-Cabugao iti sango ti Munisipio iti Pebrero 9, 2015.
Maibasar iti pakaammo ni Hon. Melchito M. Castro, Regional Director, OCD RO 1 ken Chairperson, RDRRMC 1 ken ni Mayor Edgardo S. Cobangbang, Jr., Chairperson ti MDRRMC, Cabugao, Ilocos Sur, ket napadayawan ni Myrene B. Somejo gapu iti impamatmatna a kinatured a nangisalakan iti kabsatna ken gayyemna iti peggad ti pannakalmesda iti baybay iti laksid ti kinaganus ti tawenna ket maibilang a modern-day hero ken mapagtuladan ti kaaduan, segun iti nailanad iti Pammadayaw a naited kenkuana. # (Web In-Action)
No comments:
Post a Comment