Cabugao, Ilocos Sur – Dua a kangrunaan nga Awards ti inyawid ti Cabugao South Central School, Cabugao, Ilocos Sur babaen iti liderato ni Mrs. Melvie Siababa-Sajonia, Principal II iti nasao a pagadalan.
Umuna ket iti 1st Runner Up, 8th Ýlocos Kannawidan Choir Competition 2015 a nagpartisiparan dagiti ubbing nga agad-adal iti nasao a pageskuelaan.
Dagiti Trainers ket isuda Ms. Odette V. Somera, Ms. Cheryll Ann S. Navarro, Ms. Katherine S. Asistin, ken ni Ms. Edith Savellano.
Impeksa pay ti School Principal iti nalaus a panagyamanna kadagiti nagannak kadagiti nakisalip nga ubbing iti panangtarabayda kadakuada kabayatan iti papanda pannakisalip.
Maikadua ket iti pannakagun-odda iti Best Managed Canteen Category (Champion) babaen iti Siglat Eskwela Awards Program ket naited ti Award idi Pebrero 3, 2015 iti maikanem nga aldaw ti pannakarambak ti 8th Ylocos Kannawidan Festival 2015 iti Quirino Stadium, Bantay, Ilocos Sur.
Naited dagiti nadakamat a pammadayaw babaen ken ni Governor Ryan Luis V. Singson, Chairman, Kannawidan. # (Web In-Action)
No comments:
Post a Comment