Friday, February 13, 2015

MUNICIPAL PLANT AND NURSERY UPDATE 2015

Cabugao. Ilocos  Sur – Imbatad da  Mr. Robert S. Savella, AT/Coordinator iti Municipal Plant and Nursery a saan laeng a pagpatan-ayan ti madadaan a seedlings  a maimula ti ar-aramidenda iti Municipal Plant and Nursery no di pay ket agpatanorda latta ti seedlings babaen kadagiti bukel a mapatubo a kas iti Butchina (Manila Palm), Mahogany ken dadduma pay tapno mapaadu ti maimula a kayo a para iti pannakasustener ti Regreening Program iti aglawlaw iti Munisipalidad.

Iti agdama, mainayon dagiti seedlings a mapatan-ay tapno maited a maimula kadagiti makasapul nga indibidual, Asosasion, ken iti  Barangay.

Babaen iti panangidaulo dagiti nadakamat nga AT’s/JO’s ti DA-LGU, inaldaw a masibogan dagiti seedlings kasta metten  a madalusan dagiti agtubo a ruot tapno adda maisagsagana a maimula a para iti panagtutudo a bulbulan.

Iti agdama, adda 26,076 a bilang ti Propagated Seedlings a 29 ti klasena a maimula; 15, 839 ti  naiparuar iti Tawen 2014; ken adda ita 11,462 a natda idiay Municipal Nursery. Naibasar daytoy manipud iti Record Book iti nasao a benneg ti LGU-Cabugao.

Dagitoy nga aktibidades ket paset ti direktiba ti Hepe Ehekutibo ti LGU-Cabugao para iti pannakasustener ti sapasap a programa ti panangpaberde iti aglawlaw ken panangalay-ay ti epekto ti Global Warming ken Climate Change. # (Web Situational Report)

No comments:

Post a Comment