MONTHLY MEETING TI FEDERATED SENIOR CITIZEN , NAANGAY

Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens idi  Pebrero  3, 2015 ket napagmimitinganda iti pannakipasetda iti umay a panagpiesta ti ili iti bulan ti Abril 2015. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.

Impakaammo pay ni Mr. Bonifacio Somera, Presidente a nagatendar ni Mrs. Leonora G. Reintar, MSWD Assistant tapno makipagtaming kadagiti kangrunaan nga agenda a napanda trinatar. 

Inlawlawag pay ni Mrs. Reintar ti sinaguday ti linteg a mangipaay iti  panangiparehistro (enrollment)  iti Philhealth kadagiti nataengan a saan pay a makabenepisiar iti programa ti salun-at ti Gobierno Nasional. Innayon ni Mrs. Reintar a trinatar iti kasasaad dagiti retirado a mabembenepisiaran iti Life Time Membership iti Philhealth.

Nakitinnarabay met ni Mr. Remigio Sunico, OSCA Head iti nasao a miting.

Innayon ni Mr. Somera a trinatarda a nasayaat iti maipapan iti napintas a koleksion (agraman ti Collectibles) iti Saranay-da a maipaay kadagiti nagminatayan, updating ti kameng ti Senior Citizens iti kada barangay, monthly accomplishment report ti Pederasion ken pinadayawanda dagiti nagkasangay a nataengan iti bulan ti Pebrero 2015. # (Web In-Action)