Cabugao, Ilocos Sur – Naaramid ti Blood Screening and Donation babaen iti Boluntario a panangited dagiti Alumni/Kameng ti Samahang Ilokano (SI), Cabugao Municipal Chapter nga idauluan ni Mr. Kevin God S. Duque, Chapter President idi Pebrero 21, 2015 iti Rural Health Unit (RHU) Building, Cabugao, Ilocos Sur.
Segun ken ni Mr. Dionell Agno, Adviser ti organisasion ket kunana a maysa kadagiti serbisio-sibiko nga ipaay ti Organisasion ket iti tumulong ken mangidonar ti dara a mausar iti panawen ti panagkasapulan/emerhensia.
Buklen dagiti nangimaton ti Bloodletting Activity ket dagiti Medical Staff/Personnel iti RHU-Cabugao babaen iti partnership ti National Blood Voluntary Services ti Don Mariano Marcos Hospital & Medical Center, Batac City, Ilocos Norte.
Timmarabay met da ABC President Brgy. Captain Thaddeus U. Soller, Chapter Municipal Chairman ken dagiti RHU Personnel nga idauluan ni Mrs. Janet Sison, Public Health Nurse. Sakbayna, nag-courtesy dagiti SI Alumni ken ni Mayor Edgardo “Ediboy” S. Cobangbang, Jr. iti pannakaaramid ti nadakamat nga aktibidad. # (Web In-Action)
No comments:
Post a Comment