Cabugao, Ilocos Sur – Agtultuloy ti Supplemental Feeding Program kadagiti Day Care Center kadagiti Barangay ti Munisipalidad babaen iti panangtarawidwid dagiti Day Care` Workers (DCW’s) nga agisursuro kadagiti Day Care Pupils ken tartarabayen ti Municipal Social Welfare and Development Office-Cabugao iti panangidaulo ni Mrs. Lydia S.
Gazmen, Municipal Social Welfare Development Officer ita a Pebrero ket manamnama nga agleppas iti bulan ti Marso 2015.
Segun kadagiti Day Care Workers (DCW’s), naiteden dagiti abasto a bagas a pagtaraon kadagiti ubbing iti kaaldawan ti panagklaseda (lima nga aldaw ti makalawas) iti unos ti innem a bulan. Tunggal Day Care Worker ket napan iti Munisipio a nagreport iti MSWDO ket naited ti maitutop a kasapulan dagiti ubbing nga isurona.
Dagitoy nga aksion ken inisiatiba ket resulta iti napintas a koordinasion ti LGU-Cabugao ken ti DSWD Region 1 babaen iti agtultuloy a suporta ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno masustener ti salun-at ken panagtan-ay dagiti ubbing iti Munisipalidad ti Cabugao. # (Web In-Action)
No comments:
Post a Comment