PAMMADAYAW A MAGUNGUN-OD TI LGU-CABUGAO, AGTULTULOY!

Cabugao, Ilocos Sur – Kalpasan ti Flag Raising  Ceremony iti Pamilia LGU-Cabugao iti Pebrero 23, 2015, imbasa ni Miss Teresita S. Sison, Human Resource Management Officer ti linaon ti Certificate of Recognition a nagun-od ti Local Government Unit (LGU) Cabugao a naggapu iti Department of Social Welfare and Development (DSWD), Regional Office 1 ket naited sakbayna iti naangay a 64th DSWD Anniversary Celebration idiay Hotel Ariana, Paringao, Bauang, La Union idi Pebrero 18, 2015.

Nagun-od ti LGU-Cabugao maigapu iti “Institutionalizing the conduct of monthly Municipal Advisory Committee Meeting for CY 2014”. Naipaay daytoy a pammadayaw manipud iti DSWD Regional Office 1  babaen ken ni Hon. Marcelo Nicomedes J. Castillo, Regional Director ti nasao nga Ahensia.

Inawat da  Mayor Edgardo “Ediboy” S. Cobangbang, Jr. ken ni Vice Mayor Deogracias Jose Vctorino H. Savellano  ti nasao a Certificate of Recognition babaen iti panangbayabay da MSWD Officer Mrs. Lydia S. Gazmen kasta metten kadagiti Staff ken Personnel iti 4 P’s Municipal Operations Office (MOO); nakipaset met da  SBM Josefina S. Vallejo;  SBM Vicky S. Serna; SBM Danny Q. Gazmen; SBM Atty. Bryan Jett S. Pano; Municipal Budget Officer Marietta S. Cruz ken ni Mrs. Janet Sison, Public Health Nurse ti RHU-Cabugao. 

Iti isu met la a gundaway, napadayawan met dagiti kameng ti WASAR iti LGU-Cabugao  iti Water Search and Rescue Training para iti Municipal Disaster Risk Reduction Management Council (MDRRMC) nga inyuna ni Engr. Nestor B. Somera, MDRRm Officer   babaen iti panangawatda iti Certificate of Completion iti panagsanayda a naangay idi Agosto 28-30, 2014 idiay Ovemar Resort, Sta. Catalina ken Pug-os, Cabugao,  Ilocos Sur. Dagitoy a pammigbig ket pinasaingkedan da Governor Ryan Luis V. Singson, Chairperson, PDRRMC-Ilocos Sur ken ni PDRRMC Officer  Michael C. Chan, Lead Trainer.

Kanaig daytoy, nairaman met a naikkan ti  pammigbig ti dua pay a nagsanay a nasapsapa  iti maipada met laeng a training a naangay idi Setiembre 17-21, 2012 idiay Heritage Resort of  Cauayan, Cauayan, Ilocos Sur ket nasanayda iti Water  Search and Rescue & Rubber Boat Operation and Maintenance Training Course (WASAR-RBOM). # (Web In-Action)