MEETING TI MAFC-CABUGAO TI 2015, NAANGAY

Cabugao, Ilocos Sur – Naangay ti panagmiting dagiti Opisiales ti Municipal Agriculture and Fisheries Council (MAFC) para iti Tawen 2015 iti ili ti Cabugao, Ilocos Sur nga idauluan ni Mr. Rogelio Barlolong idi Pebrero 9, 2015 iti 2nd Floor, Municipal Building, Cabugao, Ilocos Sur.

Nagatendar ni PAFC Coordinator Engr. Jojo Acance iti Office of the Provincial Agriculturist, Ilocos Sur ket bininsana ti epektibo nga akem ti BAFC, MAFC ken PAFC a katinn ulong ti Ahensia ti DA a mangiwanwan/mangiwardas  ti pagsaysayaatan dagiti mannalon/mangngalap  iti lokalidad.

Dadduma a natratar nga Agenda ket dagiti sumaganad:
1. Livestock Program
2. Organic Program 
3. Grassroot Budgeting Program
4. Farm Mechanization Program
5. High Value Crops Development Program.

Imbinsa ni Municipal Agriculturist Zenaida S. Andrada dagiti agdama a programa ken proyekto ti DA-LGU.

Imbinsa met ni Mr. Elmer G. Bromeo, Farmers Federation President ti agdama a kasasaad ti Pederasion partikulkar dagiti mannalon .

Nairaman pay a nataming dagiti MAFC Projects ken  Monitoring Team ti MAFC ken dadduma pay a napapateg a napagsasaritaanda a pakaseknan ti MAFC.

Dagiti Opisiales ti MAFC-Cabugao:

Chairman -Rogelio Barlolong; Vice Chairwoman – Grenalyn Amoroso for Private Sector; Zenaida S. Andrada for Government Sector; Joenah G. Sevilleja – Secretary/ Coordinator; Treasurer – Roberto Sablay; ken Auditor – Edgar Garcia.

Napili met dagiti mangibagi iti Food Crops; Livestock; Fisheries; Women; Commercial; Agri-Mechanization; Youth Sector; Irrigation ken Cooperative. # (Web In-Action)