Cabugao, Ilocos Sur – Naaramid ti Blood Screening and Donation babaen iti Boluntario a panangited dagiti agidonar nga indibidual idi Pebrero 24, 2015 iti Rural Health Unit (RHU) Building, Brgy. Rizal, Cabugao, Ilocos Sur.
Segun iti pannakabagi ti Philippine National Red Cross-Vigan City ket paset ti “bloodletting extraction” para iti serbisio-sibiko nga ipaay ti Ahensia ket tumulong ken mangidonar ti dara a mausar iti panawen ti panagkasapulan/emerhensia.
Buklen dagiti nangimaton iti nasao nga aktibidad dagiti PNRC Medical Staff ken Medical Personnel ti RHU ken babaen iti partnership ti Ahensia iti LGU-Cabugao.
Innayon pay ti PNRC Representative a manamnama iti 30 Bags ( 450 cc.) a maidonar a dara iti maur-orda kadaytoy nga aktibidadda ita nga aldaw.
Timmarabay da Municipal Health Officer Dr. Bernardino P. De Gracia III ken ni Mrs. Janet Sison, Public Health Nurse ken bimmisita met iti RHU Building ni Mayor Edgardo “Ediboy” S. Cobangbang, Jr. kabayatan iti pannakaaramid ti nadakamat nga aktibidad. # (Web In-Action)
No comments:
Post a Comment