Cabugao, Ilocos Sur – Maangay ti 2015 Division Math Challenge iti amin a Distrito ti DepED-Ilocos Sur iti Pebrero 3, 2015 iti Sta. Lucia North Central School, Sta. Lucia, Ilocos Sur.
Naarisit babaen iti Division Office ti dua a contestant/ubbing iti Grade 1, Grade 2 ken Grade 6 iti tallo nga eskuela ti DepED Cabugao a mangibagi ti ili kadaytoy a paeksamen: Cabugao South Central School (Grade II- dua nga ubbing); Cabugao North Central School (Grade I- dua nga ubbing); Sagayaden Elementary School (Grade VI- dua nga ubbing) ken kinuyog ida da Mrs. Nora Quibilan, Math District Coordinator ken kakaduana a mangisursuro a da Mrs. Cheryll Ann B. Navarro ti Cabugao South Central School ken ni Mr. Gilbert Asuncion, Sagayaden Elementary School.
Sakbayna, naangay met ti District Math Festival iti amin a Distrito ti Probinsia babaen iti Tema: “Challenging the Youth to be Globally Responsive Through Math Activities” a nagpartisiparan dagiti Math Contestants itay nabiit. Naaramid daytoy a pakontes nga inesponsoran ti Division Office, MATARI ken LGU’s ken ti DepEd tapno manayonan ti gapuanan a pangpasirib pay kadagiti ubbing a nalaing iti Mathematics.
Kanaig daytoy, panggep ti Math Festival a mangpasayaat pay iti kalidad ti Mathematics Education tapno maiyintek ti laing kadagiti ubbing kadaytoy nga asignatura nga agballigida iti benneg ti Elementaria iti amin a Distrito ti DepED. Kasta pay a mamuli dagiti ubbing para iti promotion of leadership, cooperation, sportsmanship ken camaraderie-da kadagiti kapatadanda.
Naangay met ti 2015 Metrobank-MTAP-DEPEd Math Challenge District Elimination ket naggigiddan iti amin a Distrito ti DepED ti Ilocos Sur a nangisayangkat iti paeksamen idi Enero 13, 2015. # (Web In-Action)
No comments:
Post a Comment