Cabugao, Ilocos Sur – Nailunsad ti 2016 Scouting Month Launching Program iti Cabugao DepED District iti Cabugao Cultural and Sports Complex, Brgy. Rizal, Cabugao, Ilocos Sur idi Oktubre 2, 2016 a nagpartisiparan dagiti opisiales ti Boy Scouts ken kameng ti Kiddie Scout, Cub Scout ken Boy Scout ken inimatangan dagiti nagannak, mangisursuro ken Opisiales ti PTA.
Immuna a naangay ti BSP Holy Mass iti St. Mark the Evangelist Parish Church sa naaramid ti Parada ken naisaruno ti programa iti Complex.
Iti Opening Program, napusgan dagiti Scouts a nangaramid ti Opening Prayer; Pambansang Awit; Re-dedication of Scout Oath and Law; Pangako ng Kab Scout; Batas ng Kab Scout ken ti Kab Scout Slogan.
Naibalikas pay ti BSP Mission and Vision.
Naiballaet iti Yell and Song Presentation a parte dagiti 4 a DepED Zones.
Iti Closing Remarks, naibinsa ti pateg dagiti responsibilidad ti Scout a nga agtultuloy koma ti pannakigamuloda kadagiti pakaseknan ti pannakasalaknib ti environment ket naigunamgunam nga ag-100% koma ti attendance ti amin nga scouts iti sumaruno nga aktibidadda ditoy distrito.
Binagi met ni IR Genaro Solmerin, ti Salapasap E/S ti Scout Benediction.
Ti Cabugao Municipal Scouting Committe ket idauluan ni Brgy. Captain Thaddeus U. Soller, Chairman ken kasta metten nga imatonan ni Mr. Francis de la Cruz kas BSP Coordinator iti Cabugao DepED District. # (Web In-Action)
No comments:
Post a Comment