Cabugao, Ilocos Sur – Nakipagtaming ti Staff ti Green Innovations and Consultancy Services, Inc. (GICSI), babaen iti Public-Private Partnership Scheme ti LGU-Cabugao iti Municipal Solid Waste Management Board (MSWMB) itay nabiit tapno maestudiar ti direksion ti Integrated Solid Waste Management Program ti Munisipio iti las-ud ti sumaruno a tallo a tawen (2017-2019) ket dagiti sumaganad ti rekomendasion:
1. Pannakaisapribado ti landfill management ken pannakaipalawa ti sakupen ti information-education para iti 19 pay barangay a pakaipatungpalan ti Basic Training on Composting a posible a sakupen ti programa ti solid waste.
2. Panagkolekta ti residual wastes (mabaybayag nga agrupsa) iti 19 a nabatbati a barangay a pakairamanan dagiti pageskuelaan ken dadduma pay nga institusion.
3. Pannakataming ti recycling program ti shredded residual plastics ken pannakaipalawa ti composting program a mangipalaon ti mainaynayon a bulto ti basura nga aggapu kadagiti service barangay. # (Web In-Action)
No comments:
Post a Comment