Friday, October 28, 2016

TRICK OR TREAT, INWAYAT TI STAC-CABUGAO

Cabugao, Ilocos Sur – Naaramid ti Trick or Treat kadagiti kliente nga ubbing ti Stimulation Therapeutic  Activity Center-(STAC)-Cabugao  ket nagpasiarda iti Poblasion babaen iti panangbayabay dagiti Personnel ti STAC Office ken nagannak kas paset iti panangselebrarda ti Halloween Activity para iti selebrasion ti Todos Los Santos (Nobiembre 1-2, 2016).


Iti Oktubre 28, 2016, nagturong ti grupoda  iti Munisipio ket binisitada ti Opisina ni Mayor Josh Edward S. Cobangbang ken nakigrupoda para iti piktorial kadagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Bryan Jett S. Pano ken ni SBM Josefina S. Vallejo ket timmulongda a nagiwaras ti kendi ken dadduma pay a naisagut kadagiti ubbing.

Daytoy nga aktibidad ket paset ti programa ti STAC-Cabugao a mangnayon ti “exposure”  kadagiti ubbing nga adda an-annayenna tapno manayonan ti panagtalekda iti bagida  ken kabaelanda. 

Nakikaysa met kadaytoy nga aktibidad da MSWD Officer Mrs. Lydia S. Gazmen; Municipal Engineer Crescencio Marcos C. Formoso ken ni Municipal Accountant Anna Lyn Siababa. # (Web In-Action)

No comments:

Post a Comment