Cabugao, Ilocos Sur – Naaramid ti panagselebrar dagiti kameng ti Federated Senior Citizens Association iti intero nga Ilocos Sur maipapan iti Elderly Filipino Week Celebration iti bulan ti Oktubre 2016 babaen iti Tema: “Pagmamahal at Respeto ng Nakababata Nagpapaligaya sa Nakatatanda” iti Vigan City Convention Center, Vigan City, Ilocos Sur idi Oktubre 17, 2016.
Nagatendar dagiti Senior Citizens ti ili a Cabugao a tinarabay dagiti Opisiales-da agraman ti dua a Centenarian ket nairugi babaen iti naangay a Holy Mass sa naisaruno ti Program Proper nga insayangkat ti Provincial Government iti 8:00 am iti nadakamat a Convention Center.
Inakem ni PSWD Officer Ferdinand R. Concepcion ti pannakaiyam-ammo dagiti Sangaili ken nagpartisipar a delegasion ti nataengan; nag-Welcome Remarks ni Mr. Jose Pepito Zapata, FSCAP Ilocos Sur President.
Nangted ti Mensahe da Ms. Edwina Masi, SWO II, DSWD FO 1; Hon. Mildred Elaydo, SPM Committee Chair on Senior Citizen kasta metten ni SPM Ma. Mikaela Karita Mendoza, Committee Chairperson on Social Services.
Nangted met ti nabara a Mensahe ni Governor Ryan Luis V. Singson. Bininsana ti panangipateg iti pagimbagan dagiti nataengan ket nanayonan ti cash incentive a naited kadagiti living centenarian.
Inyam-ammo ni Dr. Salvador Eder, OSCA Provincial Federation President ti Guest of Honor and Speaker nga isu ni Judge Joven C. Costales (Ret.), Regional FSCAP President.
Kalpasan ti panagsarita ti naisangayan a sangaili, naaramid ti ballroom dancing; presentation numbers ti tunggal ili; awarding of cash incentive to the centenarians ken awarding of prizes to the winners.
Nag-Closing Remarks ni PSWD Officer Mr. Ferdinand R. Concepcion, RSW ken nag-Emcee ni Mr. Reynaldo S. Peralta. # (Web In-Action)
No comments:
Post a Comment