Cabugao, Ilocos Sur – Naangay ti Coronation Rites ti Cabugao North Central School iti Mr. & Miss Science 2016 babaen iti Tema: “AGRINNOVATE: Revolutionizing Agricultural Outlook for Sustainable Growth” idi Oktubre 4, 2016 iti Cabugao Cultural and Sports Complex, Brgy. Rizal, Cabugao, Ilocos Sur.
Naangay ti ababa a programa iti nasao a pagadalan a nagatendaran dagiti Science Teachers ken Clubbers nga ub-ubbing.
Kalpasan ti Prayer ken pannakakanta ti National Anthem ken Cabugao Hymn, nag-Welcome Talk ni PTA President Nerio Lopez ket nagyaman ta maipatungpal daytoy nga aktibidad a mangipaay ti sirib iti pakaseknan ti siensia kadagiti ubbing ken iti aglawlaw.
Kalpasan ti Intermission Number ti CNCS ROYSC, naipresentar dagiti Opisiales ti ROYSC ken ROSCA ket pinagsapata ida ni Mrs. Estrellita M. Siruno, Principal II ti CNCS.
Naisaganad met ti panangipaay ti Mensahe ni SBM Dr. Jemaima S. Tan-Yee, Committee Chairman on Education. Kimmablaaw ken nagyaman ta adda dagiti ubbing nga agduyos iti siensia. Pinadayawanna ti kinaregta dagiti mangisursuro, nagannak ken Guardian a mangtartarabay kadagitoy tumantanor ti siribna iti Siensia nga ub-ubbing. Innayon ti Konsehala a napateg daytoy a pagsiriban a maipasagepsep iti naganus a panunotda ta iti siensia ken agrikultura ket maysa a napateg a ramen iti panagbiag ti tao ken maiyataday unay iti programa ti LGU-Cabugao nga idauluan ni Mayor Josh Edward S. Cobangbang. Kuna ti Konsehala a makikaysa isuna ken ti Gobierno Munisipal iti Sektor-Edukasion iti agtultuloy a gannuat a mangipromot ti pannakapadur-as ti kabaelan ken pagduyosan dagiti ubbing babaen iti Siensia kas ipaganetget ti Tema: “AGRINNOVATE: Revolutionizing Agricultural Outlook for Sustainable Growth”.
Kalpasan ti Intermission Number ti District ROSCA Officers, nangited ti Orientation ni Mrs. Evangeline U. Seatriz, Ilocos Sur Division ROSCA President.
Simmaruno a naaramid ti Coronation Rites ti programa. Kinoronaan dagiti Opisiales ti ili a nagatendar nga isuda Vice Mayor DJ Savellano ken ni SBM Dr. Jemaima S. Tan-Yee; da SBM Danny Q. Gazmen ken ni Dr. Consesa T. Rumias, Ed. D., District Supervisor ti Mr. & Miss Science 2016.
Nakoronaan da Mr. Science 2016 –Ralph Martin V. Sablay 1st ken ni Miss Science 2016 Princess Elijah Nichelle C. Arcano 1st; naikkan met ti Sash, Coronet ken Trophy ti innem a runner-up babaen kadagiti nadutokan ken nagannak kasta metten a naikkan ti Sash iti 14 nga agparis iti babaenda a kandidata.
Nagatendar met da SBM Atty. Randy B. Kinaud; SBM Dodjie Santella; SBM Jayhan Alcid-Tan; SBM Josefina S. Vallejo; Retired Teachers; MLG Officer Constancia L. Quinola; SB Secretary Maxfel S. Suboc; Municipal Civil Registrar Rosario Charity S. Abara ken ni MSWD Officer Mrs. Lydia S. Gazmen ken dagiti Opisiales ti DepED ken kasta metten dagiti umili a nagbuya. # (Web In-Action)
No comments:
Post a Comment