Cabugao, Ilocos Sur – Naaramid ti dua nga aldaw (Oktubre 19 ken 21, 2016) a pannakaiyadal dagiti wagas iti pannakaprobitsar ti bagas ti Cassava (Balinghoy) wenno “Kahoy” iti Ilokano kadagiti umili a babbai ti Cabugao, Ilocos Sur partikular kadagiti kameng ti Rural Improvement Club (RIC) a pangisaknap daytoy a programa ti DA-RFO 1, San Fernando City, La Union babaen iti panangipatungpal ti Opisina ti Regional Coordinator on Corn, DA-RFO 1.
Narugian ti seminar iti pasdek ti Senior Citizens’ Center, Brgy. Rizal, Cabugao, Ilocos Sur idi Oktubre 19, 2016 a no sadino a ditoy ket nailawlawag iti wagas a panagpatanor ti cassava, maammuan dagiti usar ken by-products a pataudenna ken iti panangnayon iti masapulanda babaen kadaytoy a cash crop.
Iti Day 1, naiyadal pay ti Food Safety ken naipakita ti Hands on Demo iti 3-5 a Menu a kas iti Cassava Pulvoron; Cassava Chips; Cassava Cochinta; Nilupak; Cassava Roll ken Buchi.
Iti Day 3, nagaktual dagiti nagseminar babaen iti panangaramidda kadagiti naited a pagrebbenganda a lutuen.
Segun ken ni Miss Katrene P. Tapuro, AT, Corn Program Coordinator a maikkan ti pangrugian nga alikamen dagiti nagseminar a babbai nga aggapu iti DA-RFO 1 tapno maipakatda ti nagun-odda nga adal ti panagluto a mainayon a pagkakitaanda ken iti pamiliada.
Naglektiur ken nagdemonstrar da Ms. Evelyn Fabello, Agriculturist II, DA-RFO 1; Ms. Josei J. Valerio ken ni Ms. Anne Lovelle G. Zabala, agpada a kameng ti Corn Technical Staff, DA-RFO 1.
Dagitoy nga aksion ken inisiatiba ket paset iti programa ti Munisipio iti panangidaulo ni Mayor Josh Edward S. Cobangbang iti pannakaidur-as ti kabaelan dagiti babbai iti Sektor-Agrikultura babaen iti panangprobitsarda iti nadakamat a cash crop. # (Web In-Action)
No comments:
Post a Comment