Wednesday, October 19, 2016

CASSAVA PROCESSING AND UTILIZATION, MAISEMINAR

Cabugao, Ilocos Sur – Maar-aramid ita ti  tallo nga aldaw (Oktubre 19-21, 2016)  a pannakaiyadal dagiti wagas iti pannakaprobitsar ti bagas ti Cassava (Balinghoy)  wenno “Kahoy” iti Ilokano kadagiti umili ti Cabugao, Ilocos Sur partikular kadagiti kameng ti Rural Improvement Club (RIC) ken dadduma nga  interesado a mangisaknap kadaytoy a programa ti DA-RFO 1, San Fernando City, La Union babaen iti panangipatungpal ti Regional Coordinator on Corn and Cassava.


Narugian  ti seminar iti pasdek ti Senior Citizens’ Center, Brgy. Rizal, Cabugao, Ilocos Sur iti Oktubre 19, 2016  a no sadino a ditoy ket nailawlawag iti wagas a panagpatanor ti cassava, maammuan dagiti usar ken by-products a pataudenna ken iti panangnayon iti masapulanda babaen kadaytoy a cash crop.

Kalpasan ti Registration of Participants, naaramid ti Opening Program  ket naidaton ti ababa a kararag ken nakanta iti Philippine National Anthem ken ti Cabugao Hymn babaen kadagiti DA-LGU Staff.

Umuna nga ilnlawlawag ni Ms. Josei J. Valerio, Corn Staff ti pakabuklan ti maadal iti 3-day  seminar. 

Inakem ni Ms. Kathrine Joy P. Tapuro, Municipal  Corn Coordinator ti Acknowledgement of Participants ken nag-Welcome Remarks ni Municipal Agriculturist Robert S. Savella.

Binagi met ni Ms. Anne Lovelle G. Zabala, Corn Technical Staff ti Overview of the Training.

Kamalmanna, naiyadal ti maipapan iti Food Safety ken Hand on Demo iti 3-5 a Menu a kas iti Cassava Pulvoron; Cassava Chips; Cassava Cochinta; Nilupak; Cassava Roll ken Buchi.

Naglektiur ken nagdemonstrar da Ms. Filomena Bugaoan, Animal and Animal by-Product Coordinator ken ni Ms. Evelyn Fabello, Agriculturist II, DA-RFO 1.


Sakbay daytoy a seminar, naangay ti pannakaiyadal ti 1-Day Technoguide in Cassava ken pannakaiyadal ti teknolohia ti panagmula ken panagpatanor ti Cassava “Balinghoy” wenno “Kahoy” iti Ilokano kadagiti umili ti Cabugao, Ilocos Sur babaen iti programa ti DA-RFO 1 nga indauluan idi ni  Mr. Cesar Escobar, agdama idi a Regional Coordinator on Corn and Cassava.

Naangay ti seminar a no sadino a ditoy ket detaliado a naiyadal iti panagpatanor ti cassava, maammuan dagiti usar ken by-products a pataudenna ken iti panangnayon iti masapulanda babaen kadaytoy a cash crop.

Paset ti naiyadal ket dagiti sumaganad:

1. Site Selection
2. Land Preparation
3. Fertilizer Application
4. Pest Management
5. Harvesting
6. Cost and Return.

Dagitoy nga aksion ken  inisiatiba ket paset iti programa ti Munisipio iti pannakaidur-as ti Sektor-Agrikultura iti benneg ti cash crop iti panangidaulo ni Mayor Josh Edward S. Cobangbang.  # (Web In-Action)

No comments:

Post a Comment