Cabugao, Ilocos Sur - Maipampamaysa met ita ti panangdanon dagiti naapektaran a mannalon a mangdanon kadagiti Staff ti DA-LGU Cabugao nga idauluan ni Municipal Agriculturist Robert S. Savella mangrugi ti Oktubre 24, 2016 iti Temporario a nagopisinaan ti DA-LGU tapno simpaenda dagiti papeles iti panang-claim-da iti bayad ti nadidigra a mulada a pagay gapu iti idadaliasat ti Bagyo Lawin idi Oktubre 19-20 a masakupan iti Wet Season 2016 (Hunio-Nobiembre).
Sakbayna, maipalagip nga impadamag idi ni Mr. Savella nga awan ti rimsua a problema iti panangaksion ti PCIC kadagiti pakaseknan dagiti mannalon itay Dry Season 2015-2016 (Disiembre-Mayo) ta nabayadan amin a “crop damages” a napabisita ken naipinal babaen iti panagtitinnulong dagiti maseknan a mannalon, Staff ti DA-LGU ken dagiti Adjuster ti PCIC nga adda iti babaen ti Departamento ti Agrikultura (DA).
Kabayatanna, maigapu iti di napakpakadaan nga idadaliasat ti Bagyo Lawin ket namnamaen ita dagiti maseknan a nadadaelan ti pagayda manipud iti 900 a bilang ti mannalon a naakomodar iti DA-LGU ken ti PCIC a nagpa-insure ti mulada a pagay iti masakupan ti WS 2016 a maalada ti imdemnity ti nadidigra a mulada.
Dagitoy nga aksion ken inisiatiba ket resulta iti nakammayet a programa ti Gobierno Munisipal nga idauluan ni Mayor Josh Edward S. Cobangbang ken iti DA-RFO 1-PCIC tapno matulongan ti kasasaad dagiti mannalon a naapektaran iti limmabas a dawel ti bagyo. # (Web In-Action)
No comments:
Post a Comment