Cabugao, Ilocos Sur – Iti pannakiuman ti Web In-Action iti Oktubre 10, 2016, impakaammo ti Opisina ti Municipal Operation’s Office (MOO) iti 4 P’s Program, Municipal Link-Cabugao nga itultuloyda nga isaksaknap ti pakabuklan ti programa iti Salun-at ken Edukasion iti pagnaedan dagiti kameng ti 4 P’s kadagiti barangay ti Munisipalidad ti Cabugao iti bulan ti Hulio, Agosto ken Setiembre 2016.
Innayonda a makiko-koordinarda latta kadagiti Opisiales ti Barangay/Parent Leaders a katinnulongda a mangorganisar iti Family Development Session (FDS) para iti Topiko nga imitingda kadagiti 4 P’s para iti dayta a bulan nga agpokus iti Tema agraman dagiti naglektiur: “Disaster Preparedness: “E-BALDE” dagiti kameng ti MDRRMC-Cabugao ti bulan ti Hulio; “Ang sanggol O Batang May Sakit” dagiti Medical Personnel ti RHU-Cabugao iti bulan ti Agosto ken “Pangangalaga sa Ina Pagkatapos Manganak” babaen iti Nurses Deployment Program ti DOH iti bulan ti Setiembre.
Iti manon a bulan a pannakaangay ti Family Development Session (FDS) kadagiti barangay ket masursuro metten dagiti Parent-Leaders ti tumakder iti bukodda a panangtarawidwid iti miting ken seminar iti masakupanda.
Napagkaykaysaanda a maysa a Topiko latta ti binsaenda kadagiti Family Development Session-da. Nalaklaka pay a maawatan dagiti adalanda a 4 P’s no dagitay kabisadoda/naipanawen a Topiko/Situasion iti maiyad-adal kas parte iti Values Formation ti Programa.
Dagitoy nga aksion ken inisiatiba ket maigapu iti agtultuloy a panangilungalong ti Gobierno Munisipal nga idauluan ni Mayor Josh Edward S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay iti Pamilia ken umili ti Cabugao. # (Web In-Action)
No comments:
Post a Comment