Monday, October 31, 2016

DUA A KALDING KEN RAMIT, MAIT-ITED PAY LAENG KADAGITI NAG-TRAINING TI SLP

Cabugao, Ilocos Sur – Nagtultuloy a naaramid ti   Distribution of Starter Kits kadagiti 120 a Trainees iti Skills Training on Goat Raising with Vegetable Production iti sango ti Cabugao Cultural and Sports Complex, Brgy. Rizal, Cabugao, Ilocos Sur idi Oktubre 28, 2016.  


Naited dagiti Tumbler a nayon ti ramit  kasta metten ti dua a kalding ket mismo a ni Mr. Dennis P. Aguimbag, PDO ti SLP-DSWD Region 1 ti nagiyawat kadagiti maseknan a 4 Ps Recipients dagiti naited iti 2nd  ken 3rd schedule ti distribution iti sango ti Complex.

Kinuna ni  Miss Juliet Madriaga, Municipal Link Staff nga adda pay sumaruno nga eskediul ti pannakaited dagiti nabiag a mataraken agingga a sapasap a makaala dagiti 120 a Trainees. 

Naggapu iti  22 a barangay ti ili a Cabugao, Ilocos Sur dagiti 120 a 4Ps Recipients ken Training Participants iti Sustainable Livelihood Program (SLP) ti DSWD a  nakikammayetan ti LGU-Cabugao  nga idauluan ni Mayor Josh Edward S. Cobangbang.

Sakbayna, naaramid ti dua nga aldaw a panagsanay dagiti  120 a 4 Ps Beneficiaries iti ili a Cabugao iti Skills Training on Goat Raising with Vegetable Production idi Oktubre 11-12, 2016  idiay   Barang-ay Demo Farm, Brgy. Labnig, San Juan, Ilocos Sur ken iti Cabugao Cultural and Sports Complex, Brgy. Rizal, Cabugao, Ilocos Sur kas panagsaganadda. # (Web In-Action)

No comments:

Post a Comment