Cabugao, Ilocos Sur – Mang-angay ti 2-Day District Retooling for School Paper Advisers & 22nd Cabugao District Schools Press Conference babaen iti Tema: “Strengthening Freedom of Information Through Campus Journalism” a nangrugi idi Oktubre 25 ket nagingga iti Oktubre 26, 2016 a naangay iti Social Hall, Cabugao South Central School, Brgy. Bonifacio, Cabugao, Ilocos Sur.
Iti 1st Day, naangay ti Opening Program ket nausar ti Powerpoint Presentation iti Doxology.
Nag-Words of Welcome ni Mrs. Melvi S. Sajonia, Principal II ti Cabugao South CS ket dinakamatna ti pateg ti panangpadur-as ti kabaelan nga agsurat dagiti ubbing.
Naaramid ti Presentation of Participants babaen ken ni Mrs. Madelene Sonido, MT 1, Nagsincaoan E/S idinto ta impresenta met ni Miss Jennifer D. Savellano, MT2, Cabugao South Central School dagiti Speakers ken Trainers.
Nangted ti Mensahe ni Mayor Josh Edward S. Cobangbang. Kimmablaaw ken nagyaman iti pannakipasetna kadagiti mannursuro ken mannurat. Pinaregtana dagiti participants nga agtultuloyda koma a manghulma ti kabaelan dagiti agad-adal nga ubbing nangruna iti daytoy a pagsiriban ken iti pananggun-odda kadagiti balligi a pakaidaydayawan ti Cabugao DepED District a pakairamanan metten ti ili a Cabugao.
Dagiti benneg ti panagsuratan a maiyadal ket dagiti sumaganad: News Writing; MTB; Editorial Writing; Feature Writing; Copyreading & Headline Writing; Photojournalism; Editorial Cartooning; Collaborative Writing & Lay-outing; Sports Writing; Script Writing & Radio Broadcasting ken Science & Technology.
Nagpaay nga Emcee da Ms. Luz Valle, T3, Namruangan E/S ken ni Mrs. Ronalyn Ancheta, T3, Daclapan E/S. # (Web In-Action)
No comments:
Post a Comment