Cabugao, Ilocos Sur –Maang-angay ti Pay-out (Cash Card) ket naserbisyuan iti umabot ti 1,578 a Grantees ti Pantawid Pamilyang Pilipino Program (4 Ps) a naggapu kadagiti 33 a barangay ti Munisipalidad ti Cabugao idiay LBP Office Sinait-San Juan, Ilocos Sur.. Dua a bulan (Agosto-Setiembre) 2016 ti maalada a mabatayan iti awatenda a gatad.
Agdagup iti P3,703,900 ti maawat dagiti Grantees.
Tumarabay dagiti Staffer ti 4Ps Municipal Link-Cabugao ken iti MSWDO-Cabugao nga idauluan ni MSWD Officer Mrs. Lydia S. Gazmen a kaduana da Ms. Jessie Ann O. Tabut; Ms. Juliet Madriaga; Miss Aida S. Cueto ken ni Ms. Rosemarie Pespes.
Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti Ahensia ti DSWD ken kapartnerna ti LGU-Cabugao a makasakup kadagiti benepisiario. # (Web In-Action)
No comments:
Post a Comment