Cabugao, Ilocos Sur – Inawat ni Mayor Josh Edward S. Cobangbang ti Calamity Assistance ta maysa ti ili a Cabugao, Ilocos Sur iti naapektaran iti idadaliasat ti Bagyo Ferdie ken Lawin ditoy Ilocos Region iti kallabes.
Aggatad ti P100,000 ti Tseke a nadakamat a Financial Assistance nga impaay ti City Government ti Valenzuela City, Metropolitan Manila iti LGU-Cabugao babaen iti liderato ni City Mayor Rexlon T. Gatchalian ken nai-turnover ti nasao a gatad ken ni Mayor Josh Edward kabayatan iti pannakidar-ayna iti ibibisita ni Senador Sherwin T. Gatchalian idiay Vigan City iti Nobiembre 18, 2016.
Kabayatanna, impeksa ni Mayor Josh Edward iti panagyamanna kadagiti Opisiales ti Valenzuela City agraman iti pannakipasetna iti ibibisita ni Senator Gatchalian ditoy Probinsia ken iti naited a tulong iti Gobierno Munisipal iti ili a Cabugao, Ilocos Sur. # (Web In-Action)
No comments:
Post a Comment