Monday, November 14, 2016

KALIKAGUM DAGITI MANNALON A MAKINARIA, NAIYALLAWAT KADAKUADA

Cabugao, Ilocos Sur – Naaramid ti pannakaiyallawat dagiti makinaria ken ramit  a nagun-od dagiti asosasion ti mannalon iti Departamento ti Agrikultura (DA)-Regional Field Office 1, San Fernando City, La Union.  Naaramid ti turnover ita a Nobiembre 14, 2016 iti sango ti Cabugao Cultural and Sports Complex, Brgy. Rizal, Cabugao, Ilocos Sur.

Indauluan ni Mayor Josh Edward S. Cobangbang iti pannakai-turnover dagiti nadakamat a makinaria ken ramit ken binayabay dagiti Opisiales dagiti mannalon nga immawat kadagiti nadakamat a makina ken ramit-agrikultura.


Segun ken ni Municipal Agriculturist Robert S. Savella, nagun-od dagiti nadakamat a makinaria ken ramit babaen iti naregta  a panagkalikagum dagiti maseknan nga asosasion ti mannalon ken iti panangilungalong ti LGU-Cabugao  iti Departamento ti Agrikultura (DA)-Regional  Field Office (RFO 1),  San Fernando City, La Union.

Innayon ni Mr. Savella a dagiti nadakamat a makinaria ken ramit ket napatgan babaen iti Grant ken Counterpart kas iti sumaganad: maysa a Tractor (Ford Brand) a naited iti Sagayaden Free Farmers MPCI babaen iti 90-10 % Counterpart Scheme; maysa a Waterpump with Accessories  (Grant)  para iti BACALL MPA nga idauluan ni Mr. D. Reynold S. Sabio, Presidente; maysa nga Electric Pump (Grant)  a  naited iti Arnap Farmers Association nga idauluan ni Mr. Arthoro Solis; ken maysa nga Electric Pump (Grant)  a naited iti Bungro Farmers  Association iti Barangay  Bungro, Cabugao, Ilocos Sur.


Kabayatanna, impeksa dagiti dadaulo ti asosasion nga immawat kadagitoy a makinaria ken ramit iti panagyamanda iti Departamento ti Agrikultura (DA) iti panangawatdan kadagiti kalikagumda kasta metten nga agyamanda iti agtultuloy a panangtarabay ti LGU-Cabugao iti pannakagun-od dagiti kalikagumda. 

Nakikaysa met dagiti DA-LGU Staff Members  nga idauluan ni Municipal Agriculturist Robert S. Savella iti nadakamat a turnover. # (Web In-Action)

No comments:

Post a Comment