Cabugao, Ilocos Sur – Nagatendar dagiti kameng ti Girl Scouts of the Philippines (GSP)-Cabugao DepED District nga idauluan ni GSP District Field Adviser Estrellita M. Siruno, Principal II, CNCS iti 2016 Provincial Adventure a naangay idi Nobiembre 10-14, 2016 iti Gabriela Silang Girl Scout Camp, Banaoang, Bantay, Ilocos Sur babaen iti Tema: “Empowering Girl through Scouting Towards a Sustainable Development” (Senior) “Girl Scouts; Love Nature, Preserve the Work of God” (Junior).
Dagiti pammadayaw nga inyawid dagiti Junior Girl Scouts ti Cabugao ket dagiti sumaganad: Highest Delegation (114 Girls); Most Generous, District Category; Best in Gadgets (CSCS); Most Orderly Camp (Sabang-Daclapan Troop Camps).
Kangrunaan a nagun-od ti Cabugao Junior Girl Scouts Delegation ket iti kina-Miss Provincial Junior Adventure 2016 nga inyalat ni Ashley Danne Mendoza ti Cabugao North Central School ken pammadayaw iti biang ti Troop Leaders nga isuda Mrs. Evangeline U. Seatriz ken ni Mrs. May Joy Ranchez . # (Web In-Action)
No comments:
Post a Comment