Friday, November 18, 2016

UPDATE TI PROGRAMA TI SALUN-AT ITI RHU, NAAMMUAN

Cabugao, Ilocos Sur – Ditoy ili a Cabugao, naiyeskediul  ti ipapan panagbarangay  dagiti Medical Personnel iti Cabugao Rural Health Unit (RHU)-Municipal Health Office (MHO)  a buklen dagiti Nurses ti RN-Heals ken RHU Medical Personnel  nga idauluan ni Dr. Bettina V. Ramos,  M.D.,   kabarbaro a Doktor   iti  Municipal Rural Health Unit ti ili a Cabugao.  Agtultuloy  ti eskediulda a papan kadagiti barangay nupay agagasda latta met iti inaldaw ditoy RHU.

Maibatay iti nagapuananen  ti RHU-Cabugao, naserbisyuandan ti tallo a barangay ket umuna a mapakaammuan dagiti bumarangay iti ipapan ti Doktora ken dagiti kakaduana tapno masaganaan dagiti pasiente iti panagturongda iti Health Center ti barangay a pagagasan, segun ken ni Dr. Ramos. 

Dagitoy nga aksion ken inisiatiba ket parte iti pannakaidur-as ti serbisio ti salun-at kadagiti agnanaed iti aw-away wenno barangay iti ili a pannakaidanon ti serbisio babaen iti agtultuloy a  Programa ti Salun-at ti LGU-Cabugao nga idauluan ni Mayor Josh Edward S. Cobangbang.  # (Web In-Action)

No comments:

Post a Comment