Cabugao, Ilocos Sur - Nairugi ti panagsanay iti Electrical Skills Training ti 24 a Trainees a naggapu iti nadumaduma a barangay ti ili a Cabugao, Ilocos Sur iti Cabugao Cultural and Sports Complex idi Nobiembre 10, 2016.
Ti panagsanay ket agpaut iti 17 nga aldaw, segun ken ni Mr. Edgar S. Balangatan, AT, BUB Coordinator.
Daytoy a rusuat ket ipatungpal ti LGU-Cabugao babaen iti BUB Program ken iti Technical Education and Skills Development Authority (TESDA)-Vigan City ditoy Cabugao kadagiti indibidual nga agduyos a mangpadur-as ti kabaelanda kadagitoy a teknikal a maiyadal a kasapulan ti lokalidad iti agdama.
Mayataday iti anag ti mensahe ni Mayor Josh Edward S. Cobangbang iti panagyamanna iti TESDA ken iti panangabrasa dagiti umili iti pannakaited ti skills training babaen iti panagkammayet ti TESDA ken ti LGU-Cabugao. Kinuna ni Mayor Josh Edward a kasapulan met nga ipasnek dagiti agsanay tapno naan-anay a mapadur-as ti kabaelanda yantangay ta kabukbukodanda dayta a masursuroda ken maalada a pangpasayaatda iti panagbiagda. Insupusop pay ti Ama ti Ili a tamingenda met ditoy Munisipio dagiti maitulongda kadagiti agsanay tapno maikkanda iti naan-anay a titulo a kas iti NC II a mabalindanto nga usaren iti pannakaiyempleoda kalpasanna. # (Web In-Action)
No comments:
Post a Comment