Cabugao, Ilocos Sur -Nainagorasionan ti kaar-aramid a Farm-to-Market Road (FMR) iti Barangay Sagayaden, Cabugao, Ilocos Sur idi Nobiembre 17, 2016.
Ni Mayor Josh Edward S. Cobangbang ti nanggetteng ti ribbon iti pannakaisibro ti nasao a kalsada a binayabay ni ABC President Thaddeus U. Soller ken dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Josefina S. Vallejo kasta metten da Punong Barangay Virgilio S. Piros; Ex-Barangay Captain Perlita Piros ken dagiti Opisiales ti Barangay Sagayaden.
Iti pannakiuman ti Web In–Action, kuna dagiti bumarangay nga adu ti nagsayaatan ti dalan manipud iti pannakapagkakamang ti nasemento a kalsada aglalo iti sentro ti barangay ken iti kawatiwatanna ken nangpapintas ti buya iti dalan a kumamang iti kabalbalayan ti Barangay Sagayaden no addaka iti National Highway.
Innayonda a pagyamananda unay iti LGU-Cabugao iti panangilungalongda kadagitoy nga agtultuloy a pagimbagan ti barangayda.
Ti pannakapasayaat dagiti Farm-to-Market Roads (FMRs) iti Munisipalidad ket agtultuloy a programa ti Gobierno Munisipal nga idauluan ni Mayor Josh Edward S. Cobangbang. # (Web In-Action)
No comments:
Post a Comment