Cabugao, Ilocos Sur - Naangay ti pannakaselebrar ti Municipal Childrens Month 2016 iti Cabugao Cultural and Sports Complex, Brgy. Rizal, Cabugao, Ilocos Sur iti Nobiembre 14, 2016 babaen iti Tema: “Isulong Kalidad na Edukasyon Para sa Lahat ng mga Bata”.
Iti naaramid a programa, inakem ni Ms. Elizabeth Somera, Sabang Child Development Worker ti Opening Prayer; Opening Remarks ni Mr. Rudy A. Ilar, Federation President, Child Development Worker.
Overview of the Program and Presentation of the Board of Judges ni MSWD Officer Mrs. Lydia S. Gazmen.
Nagpaay a Board of Judges iti Singing Contest da Mrs. Lourdes A. Azcueta; Ms. Teresita S. Sison, HRMO; ken ni Mr. Kevin S. Somera, Staff iti Office of the Mayor idinto ta naghurado met iti Draw and Tell Contest da Ms. Jessie Ann Tabut; Ms. Rosemarie Pespes ken ni Ms. Juliet Madriaga, Social Welfare Assistant.
Naangay ti salip ti Draw and Tell ken Singing Contest kadagiti napili nga ubbing iti 32 a Day Care Centers ti ili a Cabugao, Ilocos Sur.
Naawis a nagsarita ni Mayor Josh Edward S. Cobangbang. Iti impaayna a Mensahe, kimmablaaw ken nagyaman ni Mayor Josh Edward ta maikkan latta iti panawen ti kakastoy nga aktibidad para kadagiti ub-ubbing a parte metten ti paka-hulmaanda nga agbalin a naresponsable ken nasaririt nga umili iti masanguanan.
Pinagyamanan pay ti Ama ti Ili iti agtultuloy a naregget a panangtartarabay dagiti Day Care Workers/MSWDO Staff nga idauluan ni MSWD Officer Mrs. Lydia S. Gazmen kadagiti ubbing kasta metten iti akem dagiti nagannak/Guardians a mangiturturong/mangibagnos latta kadagiti annakda a makikaysa kadagiti programa ti Munisipio ken iti agtultuloy a pannakamuli dagiti annakda/aywanda nga agadal ken mangpasayaat iti masakbayanda.
Nangipaay ti makainspirar a mensahe ni Little Mayor Stanley Arquero kadagiti ubbing ken nataengan a naitallaong kadaytoy a programa. Imbuksilanna ti kaipapanan ti tema ti selebrasion iti National Childrens Month 2016.
Nagsarita met ni SBM Atty. Bryan Jett S. Pano, Commitee Chairman on Social Services. Bininsana ti pateg ti Tema iti panagselebrar ita a Tawen ti LGU-Cabugao.
Nagsarita met ni MSWD Officer Mrs. Lydia S. Gazmen ket pinaregtana ti amin a Child Development Workers, nagannak ken Guardians a supapakanda koma iti agtultuloy nga anus ken kooperasion ti ipapaay ti LGU-Cabugao ken iti Ahensia ti DSWD a panangtarabay ken tulong kadagiti annakda nga agad-adal.
Ti nasao nga aktibidad ket paset ti panangselebrarda iti Municipal Chidrens Month Celebration ita a Tawen 2016 a pakapilian dagiti mapan makisalip nga ubbing iti Day Care iti benneg ti Probinsial.
Naaramid ti Announcement of Winners ken Closing Remarks babaen ken ni Mr. Ferico Arcebal, Bonifacio Child Development Worker ken nagpaay nga Emcee da Mrs. Florentina Saquiton ken ni Mrs. Marilou Sumibcay. # (Web In-Action)
No comments:
Post a Comment