Cabugao, Ilocos Sur – Naited dagiti kasapulan dagiti Trainees iti panagaramidan ti Hollow Blocks idi Nobiembre 8, 2016 ken nagpatingga idi Nobiembre 10, 2016 iti Cabugao Cultural and Sports Complex, Brgy. Rizal, Cabugao, Ilocos Sur.
Umabot ti 20 a Trainees iti naiprograma a nagpartisipar kadaytoy a kurso nga inggannuat ti Sustainable Livelihood Program (SLP) ti DSWD-RFO 1, San Fernando City, La Union ken iti LGU-Cabugao nga idauluan ni Mayor Josh Edward S. Cobangbang para kadagiti makasapul ti panggedanda a marigrigat nga umili kadagiti Barangay ti ili.
Indauluan ni Mayor Josh Edward a binayabay dagiti Opisiales ti LGU iti pannakaited dagiti starter kits a kas iti Wheel Burrow; 1 Set Shovel (pointed/flat); Water Deposit; Hollow Block Molder (5 & 4 inches); Wooden Material ken pagpatayan ti maaramid a hollow block. Naited dagitoy a materiales ditoy Munisipio ita a Nobiembre 17, 2016.
Iti mensahe ni Mayor Josh Edward, kimmablaaw ken nagyaman ta maikkan ti usaren dagiti Trainees ken mainayonda met nga agaramid iti kasapulan ti panagpatakderan ti pasdek ditoy ili nangruna iti summer months.
Innayon ni Mayor Josh Edward a maorganisar koma dagiti nagsanay tapno adda ipasdekda a pagaramidan ti hollow block iti grupoda ken maikkanda iti pannakakatarabay babaen iti Munisipio ken ti MSWDO.
Nagtitinnulong dagiti pannakabagi ti LGU-Cabugao a nangipatungpal iti panagsanay nga isuda MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto ken ni Mr. Dennis P. Aguimbag, SLP-PDO ti SLP-DSWD.
Dagitoy nga aksion ken inisiatiba ket paset iti pro-poor program ti LGU-Cabugao nga idauluan ni Mayor Josh Edward S. Cobangbang para kadagiti makabael nga agtrabaho kadagitoy a masursuro a paggedan. # (Web In-Action)
No comments:
Post a Comment